鳴虎 (北角匯二期) (Closed)

同北角朋友一齊，我話想食個 簡單快趣嘅 dinner，朋友知道我鍾意食日本🇯🇵食物，二話不說就帶咗我嚟呢間喺一田超市裏邊嘅小店😆我哋叫咗幾樣嘢 share 😆- $78嘅「鰻魚飯配沙律・飲品」：鰻魚厚肉，味道鮮甜😋；珍珠米好食😋- $78嘅「生薑豚肉燒配薯餅·飲品」: 半肥瘦豬肉片🐷，非常軟熟，好有豬味😋，日式🇯🇵煮法 落薑蓉去煮，我鍾意😆- $48嘅「日式🇯🇵炒雜菜」：雜菜爽脆，新鮮簡單好食😋- $48嘅「炸餃子🥟」：外皮脆卜卜，裏面嘅肉好 juicy 😋跟餐包飲品，朋友同我都係叫咗杯「花旗蔘茶」，熱辣辣，出奇地好香花旗參味😋。我哋唔使半個鐘頭就食得飽飽，真係開心快趣滿足😆