屋喔 (Closed)

之前係上環食過呢間餐廳，發現旺角原來開咗新分店，環境舒適嘢食都唔錯，天氣唔係好熱所以選擇坐外面。感覺都唔錯，個feel好舒服。可能係轉天氣嘅關係，個人唔係好舒服所以想食D清清地嘅嘢。叫左個乾貝蚵仔海鮮泡飯，分量十足材料很豐富，內有乾貝、蚵仔、冬菇粒、蝦等等...味道鮮甜，加上莞茜更顯出鮮味。個湯底就甜甜地，泡飯濕濕地易入口，唔覺唔覺食晒成碗。凱撒沙律加大蝦，精髓在於沙律醬上再加上Parmesan cheese ～羅馬生菜夠新鮮，蒜茸麵包粒脆卜卜。味道清新，大蝦爽口彈牙。濃濃Parmesan cheese味，很喜歡。睇落唔覺得好大碟，其實係好大嘅，完全食唔晒。台式水果茶，味道偏酸是我喜歡的味道，士多啤梨、橙、火龍果等等...這都是比較偏酸的生果，生果都新鮮，顏色又多而且果香滿溢。