Backyard (Closed)

荃灣呢度開咗宜家傢私，人流多咗好多，附近嘅餐廳亦都帶旺起來。見到呢一間餐廳環境好似唔錯，就入去試吓。餐廳門口出邊有自己嘅茶水吧，有啲特色野飲都方便外賣！雖然裝修環境都唔錯，但價錢都非常合理抵食！坐低冇耐，職員主動送上熱辣辣嘅餐包，仲好細心咁切開兩份，個人最喜歡呢度嘅提子麥包同埋黑芝麻包，好香又軟熟！前菜要左三文魚凱撒沙律，蔬菜好新鮮爽口又多汁！好開胃！另外要咗個黑松露雜菌湯，熱辣辣好香！主菜要咗虎蝦辣番茄意粉，蕃茄汁好開胃，好鮮味！加上少少辣就好過癮！虎蝦亦都好彈牙！整體味道十分唔錯！另外就要左一個BBQ醬豬肋骨，十分之嫩滑！BBQ醬好惹味！份量亦都好多！最值得讚嘅係啲薯條！新鮮炸起，外脆內軟！呢度整體感覺不錯！簡簡單單又食完一餐！