入到去周圍乾乾淨淨同埋比人一種簡單舒適既感覺。
一打開餐牌，價錢都係中等around $60-100左右，一於就簡簡單單叫左個$60左右既意粉，落單既時候個侍應哥哥同我講，加$28就可以多個湯同野飲，咁難得出街食就唔差果少少，轉左做餐(亦都好慶幸有咁做到)
首先上左個紅湯
味道岩岩好，少少辣，夠晒野味。 相信大家都見到，好足料。個蒜蓉包脆得來又冇燒燶。😋
之後就到野飲，叫左個朱古力奶。見佢原價都要$30一杯果然唔簡單。
果cream 好正加埋d脆脆，口感一流，d冰又唔會太多，唔會到最後水晒影響口感。
到正餐
賣相都ok,又有生果沙律夠晒健康,不過個意粉就一般般，個汁都唔錯，可惜唔係好入味，d海鮮冇咩味有d奇怪。😕
評分7/10，真係野飲同個湯拉高左分，希望個意粉係個別事件，下次再去試下
