泛亞飲食 (Closed)

有時返學實在太忙，唔可以出去食就會度解決啦。呢日就度食啦，放飯既時候人頭湧湧，想搵個位都好難。今日就簡單，食個叉米同紅豆冰。個紅豆冰唔使錢因為我有張贈券。叉燒米粉叉燒算係半肥瘦，幾好食架。份量又算幾多，而米粉又唔會整到太淋，食完都好飽。紅豆冰紅豆既份量都幾多，紅豆唔會太硬。奶水又唔算多，唔會搞到杯紅豆冰太甜。有得飯堂飲紅豆冰都係一件唔錯既事。平平地又食得幾飽，差唔記得有張飲品贈券，仲要係三十號到期，好彩用左先咋。