滋味廚房 (Closed)

深水埗多小店就係人都知，今次隻身走去試呢間滋味廚房，見到佢裝修幾精緻，估唔到食落都幾高質，有驚喜。要食得飽梗係食個飯餐啦。呢款拿督咖喱鮮雞，咖喱汁味道突出，而且香料味濃，雞肉鮮嫩，而且碗飯都悉心裝飾過，連埋個咖喱汁送飯食簡直一流啊。另外呢味炸雲吞，外皮炸得好酥脆，但內餡仍然鮮美多汁亦唔會炸得太乾身，講真其實都幾考廚師火侯控制功夫㗎，另外配埋佢特調醬汁，食落唔會太寡。雖然本身諗住簡簡單單又一餐，但呢餐飯簡單之中又帶有一點不平凡，此乃驚喜之所在。