Video
Read full review
2021-02-11
1442 views
細細個住九龍城，星期六就同呀媽去咗嗰邊行下，懷緬昔日風采。唔少店舖已經經歷多番轉手，但恐怕遲啲直頭成個區都面目全非😣，因為高樓大廈絕對會將唐樓取而代之。講返正題，我哋貫徹行到邊、食到邊嘅宗旨🚶，午餐就去咗「紅雞冰廳」開餐。其實我哋本身入去係因為想食海南雞🐔，點知坐低後唔夠一分鐘，就比另一個客人嗌埋最後嗰份😨！嗰秒鐘有啲失預算，不過好在都有其他嘢啱食。小店面積好細，但座位主要係卡位，所以即使逼逼地都未算坐得好唔舒服。不過同時我幾欣賞佢卡位嘅設計夠高，呢個時勢好重要嘛👍。自家製雙層芝士漢堡牛肉飯配炸蝦($68)，呢碟飯賣相好吸引，而且好有日系嘅感覺🎌。呢款飯可以揀醬汁，分別係咖喱、黑椒、豉油同埋我哋揀選嘅蒜蓉汁。蒜蓉汁味道唔錯，唔會太鹹或太重口味。另外好彩我要咗少飯🍚，因為食餸已經飽晒。顧名思義，呢碟飯嘅餸就係炸蝦🍤同自家製芝士漢堡牛肉🍔，各有兩件。吉列炸蝦就應該係入貨嘅，但真係熱辣辣炸起，咬開係會出煙。漢堡扒就不得了，勁高質。首先，漢堡扒個樣有啲似蛋包飯，因為🧀半溶芝士好均勻咁將漢堡扒包住，兩者好夾，又唔膩。第二，🐮漢堡扒牛味濃郁，食落勁多汁又唔鬆散，加上夠厚，令佢口感更出色。我敢講佢塊
細細個住九龍城，星期六就同呀媽去咗嗰邊行下，懷緬昔日風采。唔少店舖已經經歷多番轉手，但恐怕遲啲直頭成個區都面目全非😣，因為高樓大廈絕對會將唐樓取而代之。講返正題，我哋貫徹行到邊、食到邊嘅宗旨🚶，午餐就去咗「紅雞冰廳」開餐。
其實我哋本身入去係因為想食海南雞🐔，點知坐低後唔夠一分鐘，就比另一個客人嗌埋最後嗰份😨！嗰秒鐘有啲失預算，不過好在都有其他嘢啱食。
小店面積好細，但座位主要係卡位，所以即使逼逼地都未算坐得好唔舒服。不過同時我幾欣賞佢卡位嘅設計夠高，呢個時勢好重要嘛👍。
自家製雙層芝士漢堡牛肉飯配炸蝦
$68
43 views
0 likes
0 comments
顧名思義，呢碟飯嘅餸就係炸蝦🍤同自家製芝士漢堡牛肉🍔，各有兩件。吉列炸蝦就應該係入貨嘅，但真係熱辣辣炸起，咬開係會出煙。漢堡扒就不得了，勁高質。首先，漢堡扒個樣有啲似蛋包飯，因為🧀半溶芝士好均勻咁將漢堡扒包住，兩者好夾，又唔膩。第二，🐮漢堡扒牛味濃郁，食落勁多汁又唔鬆散，加上夠厚，令佢口感更出色。我敢講佢塊漢堡扒比起九成西式漢堡包店嗰塊好食😋。
秘製咖哩豬扒
$65
13 views
0 likes
0 comments
咖喱一上枱，我哋已經聞到超香😍，食落同樣冇令人失望。餐廳嘅咖喱就係最正宗嘅港式咖喱🇭🇰，即係唔會太重香料味或太甜，而係辣辣哋🌶又不乏椰香嗰種🥥。店員仲話唔夠汁可以出聲！咖哩配飯或者配薄餅都好平常🫓，但兩樣一齊嚟就有啲好笑。如果有得揀，我就一定會揀後者，而家得一塊就唔太夠喉囉！不過白飯就好多，唔使驚會餓。
飲品方面，我哋分別要咗凍西洋菜蜜(+$3)同凍紅豆冰(+$7)，兩杯都好大杯🥛。前者無乜特別，後者就獲得我呀媽嘅好評，因為佢話好足料，有好多紅豆。
總括嚟講，「簡單就係好味道」已經説明一切。餐廳行大眾化路線，賣嘅食物種類唔算多，但出品就好有水準🤤！女店員們好忙，但都好好禮貌、好落力，抵讚。最後，唯一有少少建議比餐廳就係食物選項如果更有彈性就好，例如飯餐可以轉意粉，其實唔難，但就能比客人多一個選擇🙏🏻。題外話，食返完出去兩點半開始做下午茶餐，人龍更勁。
Post
