豐味蒸食

Open Now

Now Closed

平時好中意食小店，呢間係食潮汕野，店面比較細，可能要等一陣先食到🔸招牌豬髀蒸飯豬髀夠肥美彈牙，滷得入味軟腍，豬皮好有膠質滿滿既骨膠原，唔會有油膩感，份量十足，仲會附送一碗紫菜蛋花湯🔸鮮蝦腸粉/雞蛋瘦肉腸粉腸粉即叫即煎，透薄滑嘟嘟，鮮蝦腸粉裏面加左生菜，口感更加豐富，蝦彈牙但略嫌份量少左d，雞蛋瘦肉腸粉呢款加雞蛋，質地唔係滑蛋個種感覺，係比較實個種，食落好飽肚，瘦肉唔會柴，大大碟好抵食，加少少豉油調味簡簡單單已經好食🔸凍豆漿個陣店舖淨係提供凍豆漿，但之前見可以揀熱，豆味都算濃，冇加糖，岩晒唔好甜健康既人