凡直友里

Open Now

Now Closed

節日都唔想出去逼，早前已經慶祝左嘅我倆就選擇近近地食一餐就算。點知都遇到驚喜，可能會成為我地嘅飯堂，仲會推介比朋友食呢！聽朋友話平時都見呢間餐廳不缺人流，好彩今次我地早左去到，所以就唔洗等啦～呢度嘅飲品選擇都好多，岩晒happy hour啊！而今次我最鐘意就係呢個巨型豬腩肉Burger！就咁睇已經見到幾塊豬腩肉，入面仲有兩片菠蘿再加埋啲BBQ醬～成件事係好juicy！包嘅部分估佢唔到咁脆，抵食又好味～鵝肝都好正幾厚身～配埋焦糖蘋果食係幾清爽嘅！另外都order左美國特級安格斯肉眼牛扒(12oz)鋸下扒係咁意應下節，都幾大塊，配薯菜超邪惡！