老厝邊 (Closed)

🔸大腸麵線 $28🔸花雕醉雞 $38🔸冷萃桂花烏龍 $21🔸起司肉鬆蛋餅 $35🔸眷村紅燒牛三寶麵 $78-又到懷念台灣系列喇，今次又來大角咀覓食，誤打誤撞嚟到呢間個名唔識讀嘅古早味台灣餐廳，原來係解作鄰舍嘅意思。台灣嘢必點嘅蛋餅，試咗爆饀嘅芝士肉鬆，加埋甜甜哋嘅甜不辣醬，咸甜咸甜咁好正啊！花雕醉雞都好推介，超嫩滑嘅無骨雞肉卷浸滿花雕酒入晒味，啖啖肉好好食。主食叫咗紅燒牛肉麵，係牛𦟌、牛肚同牛筋，全部都炆得好稔好入味，而麵條係我鍾意嘅偏硬口感。大腸麵線都係去台灣夜市必食之一，怕食唔晒所以叫咗細碗，係充滿台灣回憶嘅味道啊！