老厝邊 (Closed)

眷村紅燒牛肉麵$65台灣牛肉麵最重要嘅當然就係酸菜，佢嘅酸菜幾好味，配埋牛肉麵一齊食簡直就係一流。牛肉好滑好好淋，唔使用力咬都可以食到，牛肉味又好濃。牛肉麵爽滑彈牙，係傳統台灣麵嘅感覺。古早味滷排骨便當$62便當份量非常大份，伴菜嘅份量亦都非常多，有好多雞髀菇同埋蔬菜。滷味排骨其實就係酥炸排骨再加滷味豆腐，酥炸排骨香脆之餘肉身亦都非常之滑，用嚟送飯簡直一流。超濃芋泥蛋餅$38芋泥味好濃同埋好滑，加落蛋餅度食真係一流。仲有芝士喺入面添！綿綿芋頭鮮奶$30芋頭鮮奶唔會好甜，芋頭味好香好濃，同鮮奶真係配合得幾好，我哋自己再額外加咗小芋圓，最後發覺小芋圓同芋頭其實都幾夾。