泰嘟嘟

Open Now

Now Closed

之前寫咗好多篇食評同朋友分享，有朋友話多數都係啲貴嘢，有冇又平又好食又有得打卡嘅介紹吓，梗係有啦，平時同朋友食飯吹水就話食好啲，平時下晝食個 TEA 好多時都係簡簡單單，不過簡單又唔代表冇特色喎，好似呢間位又係位於大角咀嘅泰國菜，只係一般靚仔少少嘅茶記嘅價錢，但係裝修就幾有心思，唔係豪華嗰隻，係心思，好想打吓卡。最吸引係佢嘅卡位，以泰國篤篤車設計，非常盞鬼。老闆亦都係熱愛足球嘅人，所以場內都掛咗好多球衣。成間舖頭平實得嚟又好想打卡，正架！食物方面係簡單嘅泰國菜，通常我都係食海南雞飯呀，豬脾飯呀，冬蔭公湯呀咁，中規中矩啦，計埋佢嘅價錢同心思，都值得推介嘅。