Weekday黎計，晚上七時半也有七成入座率算不錯。由於個人特別喜歡食龍蝦，所以分別叫了兩份。一份拼豬肋條、一份拼牛扒。兩個餐一樣奉送一杯白酒或紅酒👍🏻
外面冷盤食物都算多，但每一樣都不算特別吸引。拿了一碗龍蝦湯及少量沙律菜，食完就等上主菜。
🔸芝士焗龍蝦．煙燻醬烤豬肋條 $235
🔸芝士焗龍蝦．特色香料牛扒 $248
兩份主菜餐碟夠大，食物賣相不算特別突出，正正常常。芝士焗龍蝦size不大，芝士味不夠重，肉質不夠爽口彈牙。牛扒係幾大塊，大概西冷厚度。本身order了Medium，上菜時牛扒已煮成七八成熟😢唔想店員難做所以冇所謂咁食咗，衰啲講...同快餐店鐵板餐嗰塊差唔多，有點失望😌再試埋另外豬肋條，雖然煙熏醬味幾香，但肉質好老，比較難切。
1
最後食到八成飽再出去攞咗少少甜品食。甜品水準不過不失，部份芝士蛋糕及泡芙都不錯。整體來說，不到$300的價錢能夠吃到半自助晚餐，都算經濟實惠。如果似有YOHO Town住戶證更有九折優惠。但如果你想揀一間特別餐廳來慶生，又要食物質素好，咁就要三思😌
