粗面幼面都試過，你話十分好食又未到，不過你話粗粗地食個食得落口嘅午餐，簡簡單單，又ok喎。
呢度環境就唔洗多講，熟食中心相信普通香港人都去過，不過佢嘅枱就普遍都要搭位，同埋要留意返唔同枱有唔同餐廳，佢地暗啞底都分門別類，
呢度係揾呀姐叫完野食，食物到就比錢嘅方式，得野食係無野飲，野飲就要去隔離舖落單買，非常自助。
我同老公二人食了炸雞翼粗面同炸豬排雪菜粗面，炸物就夠脆，份量都多，有陣蒜麻油嘅味，再夾雜啲味精感覺，面呢就上海面，之前食都唔錯幾彈牙，今日食就覺得好似淋左少少，
加埋個湯底味道就一般啦，夠飽肚，我自己都食唔哂，不過都係個句，要求太高就唔好黎食啦。
