之前見尼間野又多人食啤酒又任飲, 攞左張單張黎睇啦~
點知一入去就出事了
一行3人, 叫左個2人餐, 就話有最底消費每人$148,(點解單張唔show 出黎, 要入都去坐低先見到囉
) 咁都算啦,
入左去無為走啦,另外就叫多個炒蟹~
1坐低就叫支啤酒慶一慶先啦~
啤酒任飲就緊係飲晒再叫啦,
唔知果個4眼女人係未老闆娘啦, 見到我地叫佢都唔理...
之後叫其他侍應攞就黑口黑面...唔想攞咁, 咁唔想比就唔好叫任飲啦,
真係唔知佢地覺得幾個女仔去食好蝦d定點呀....
最後都係飲左4支, 到喉唔到肺...
可能唔收加1, 所以係全冇服務可言呀~
點都要講下d送o既....送都算上得快...係咁2介紹下啦~
蒜容開邊蝦 10隻...
(偏咸)
都算新鮮
龍蝦 (偏咸)
都淡淡肉既
炒菜 一般
生菜菜心炒埋1碟
蒸扇貝 4隻
(超韌)
比較細粒
魚 一般
普通黃花魚果類...都尚算新鮮
炒蟹 尼個係另外叫o既...價錢同個餐差唔多要$240, 但煮出黎又少又無膏
唔明點解好似唔多新鮮咁....
個餐話就話有甜品, 叫佢比埋甜品時, 竟然話無晒....
尼間咩黎ka....無晒唔係應該一早同人講ma....
仲要好理所當言咁講...咁未叫佢上埋個水果啦, 勁無禮貌咁放低碟野...
最後同d fd 食左2舊就唔食lu....食到一肚氣
叫佢埋單, 果個4眼女人先做野, 咁o既服務, 當然唔需要比tips 啦, 找番d $就緊係全攞啦,
個4眼婆竟然啤住我地喎
尼間野真係可一不可再呀
