Video
Read full review
2014-02-18
271 views
相信一眾元朗人近排對呢間茶樓一定唔陌生，因為有朋友係門口等位時發生左一啲不愉快事件，令到筆者諗起幾個係呢度食野既唔愉快經歷。首先，呢間茶樓係下午茶時段既人手非常不足，成個大堂只有三個人去serve，遞點心紙亦會遞到你隻手冇血到先可能或者有機會有人理你，絕對係一個鍛鍊體能既好機會！假如你嗌既係特價粉麵飯的話，就要捉你好運啦！因為呢度係採取「小巴等客，客滿先開車」既方針，等到有幾枱叫你碟野先會開爐頭炒，所以，以福建炒飯為例，你最後得到既好可能只係3/4碟叫做炒過既白飯同不多於10ml既芡！個芡汁本身係幾好食，都幾送到飯，好有瑤柱香，不過真係太少，所謂雙拳難敵四手，更香更好既福建汁，得10ml既話又點可以撈到一碟白飯呢點心方面，呢間茶樓都係差少少，燒賣mainly係用肥豬肉包成，唔會有蝦係入面，但薄撐又出奇地唔錯，唔會好似現今女孩子一樣太厚粉亦都唔會懶大堆頭狂落餡，合中庸之道也！不過，呢間野勝在夠平，要食得精明又開心唔係冇辦法，就係專攻佢張下午茶點心紙，兩個人叫兩碗燒味粉麵、一個薄撐、一個燒賣皇，total加埋五十八蚊，平過係出面食茶記，又可以坐耐啲嘆下茶。呢個就係筆者既抵食方程式！
首先，呢間茶樓係下午茶時段既人手非常不足，成個大堂只有三個人去serve，遞點心紙亦會遞到你隻手冇血到先可能或者有機會有人理你，絕對係一個鍛鍊體能既好機會！
假如你嗌既係特價粉麵飯的話，就要捉你好運啦！因為呢度係採取「小巴等客，客滿先開車」既方針，等到有幾枱叫你碟野先會開爐頭炒，所以，以福建炒飯為例，你最後得到既好可能只係3/4碟叫做炒過既白飯同不多於10ml既芡！個芡汁本身係幾好食，都幾送到飯，好有瑤柱香，不過真係太少，所謂雙拳難敵四手，更香更好既福建汁，得10ml既話又點可以撈到一碟白飯呢
點心方面，呢間茶樓都係差少少，燒賣mainly係用肥豬肉包成，唔會有蝦係入面，但薄撐又出奇地唔錯，唔會好似現今女孩子一樣太厚粉亦都唔會懶大堆頭狂落餡，合中庸之道也！
不過，呢間野勝在夠平，要食得精明又開心唔係冇辦法，就係專攻佢張下午茶點心紙，兩個人叫兩碗燒味粉麵、一個薄撐、一個燒賣皇，total加埋五十八蚊，平過係出面食茶記，又可以坐耐啲嘆下茶。呢個就係筆者既抵食方程式！
Post