羽壽司 (Closed)

今日, 無乜野做, 又想食得好一點, 行過銅鑼灣板前, 見到咁多人, 所以去左第二間, 去到羽壽司, 見未食過, 就入左去試下...入到去, 環境一般, 坐左係迴轉壽司, 格局好似元6同元4, 無乜新意, 坐得幾好, 同埋好多員工, 好易就搵到人幫手, 先食左一個帶子壽司, 都算新鮮.. 得手食多個波士頓卷, OK啦, 因為都無乜驚喜, 跟住叫左一個叫"月"的刺身, 有三文, 吞拿, 鯨龍, 帶子, 食落都算新鮮啦, 不過不失, $108的價錢, 都可以接受, 食食下, 佢地話劏左一條獅魚, 手快有手慢無, 所以叫左一客壽司, 呢個壽司, 個口感幾FULL, 脂肪好夠, 如果食多一點的話就會好溜...佢地會有好多唔同既魚食, 仲會分開唔同既季節, 幾好, 跟住仲叫左一個蒸蛋, 我次次去食日本餐都會叫, 但係佢地整得麻麻, 太老...其實仲食左其他野, 不過無乜好寫, 基本上, 如果有一般要求, 但係又唔太高的話, 羽壽司都唔錯, 令人俾錢時會俾得開心咁囉, 第次寫食評, 請各位大大多多包含喇, 嘰嘰