北海道牧場餐廳 (Closed)

距離早餐時間完結只剩15分鐘，好彩趕得切! 因為，呢度啲早餐和午餐食嘅都差唔多，不過早餐價錢就實惠好多喇! 喺櫃檯買完飛，搵位坐。大把位，因為今日係假期。等咗一陣，就有職員拎啲嘢過嚟。奶茶、咖啡味道都唔錯，跟茶餐廳啲差唔多。豬柳漢堡米粉漢堡略為鹹，米粉就較為淡。兩者夾埋一齊食，就平衡番。花生醬多士件多士有點乾、硬。好彩有好多花生醬補救。炒蛋都滑，合味道。煎雞扒較為乾身，不過味道幾好，好入味。牛角包幾鬆脆。兩份早餐夾埋$38，早餐午餐一齊食，算係咁啦。