最印象深刻係佢嘅牛肉壽喜燒 好鍾意個湯底 好入味甜甜地 所以今次都有再encore ！
牛肉壽喜燒 $118
佢啲牛肉係靚牛肉 得四大塊 肉質好嫩滑 同埋好新鮮呈深紅色 火鍋煲仲有好多蔬菜例如豆腐粟米金菇冬菇等等 而且仲可以揀拉麵或者烏冬 今次試吓拉麵 原來都幾好食 加埋個好飲嘅毒壽喜燒湯底 好滿足 😋
九井日本蠔海鮮鍋 $121
叫多個都係壽喜燒湯底 不過想食海鮮 海鮮鍋入邊有青口、大蝦、魷魚、日本蠔、蜆肉 等等 幾豐富😋👍🏻 另外揀咗烏冬 烏冬上次食過已經好好食 因為係日本要急凍嗰隻烏冬 比較彈牙！
芝士飛魚籽軟殼蟹卷 $62
上面係一層厚厚嘅芝士 同埋我鍾意食嘅飛魚籽 入邊捲着軟殼蟹 味道一流 外面Juicy裏面香脆 👏 一啖食晒好幸福💕
炸墨魚咀 $35
食飽之後可以再qr code落單要啲小食 呢個墨魚咀炸得好香脆 唔多油好有咬口 🤣
然後仲見到有Movenpick雪糕 都唔使$20平過自己買 所以梗係要食埋先走啦👏😆
