呢度坐位唔多，好多時候都要搭枱；粉麵就好似車仔麵咁任加餸，而飯類就似茶餐廳碟頭飯款式。
✨酸辣上海麵+超級豬扒+肉餅+豬潤$60
呢度嘅上海麵整得好彈牙，而酸辣湯係以雪菜醃上酸辣口味配上，好住家味幾好味。 豬潤係厚切先煎封脆，食落有口感；而厚切豬扒只係$14 大大件啖啖肉；肉餅亦係手打即煎，呢碗車仔麵誠意十足。
另外叫咗碟✨超級五香豬扒蛋飯 $50
豬扒厚度唔洗再多提，但個豉油不得不讚揚下鹹甜平均，飯係屬乾身帶啲啲硬，加埋豉油同半熟蛋汁已經非常之好食😋 呢間鋪絕對係可以再一戰。
📍筲箕灣筲箕灣東大街50號金來大廈地下F舖
