一去到職員就奉上免費蝦片等我哋可以一路食一路睇吓叫乜嘢食。鍾意食海鮮嘅我哋見到海鮮二人套餐梗係唔錯過啦。
海鮮柚子沙律：柚子又甜又多汁。海鮮包括青口海蝦同埋魷魚鬚。份量都唔少。
燒原條魷魚筒：啱啱燒起熱辣辣。燒嘅時間啱啱好，好易咬開。配埋蔥油又幾夾。
烚菜心配蠔油鰻魚汁：菜心好嫩。簡簡單單配個蠔油鰻魚汁，健康啲都幾好。
上湯浸烏頭：個湯清清地幾鮮味。烏頭好大條下。就算食個魚腩位都冇腥味。香茅南疆青檸嘅味道都幾出。入邊仲有啲娃娃菜同埋粟米芯，味道清甜。
雞湯檬粉：個湯底都幾濃味。檬粉唔會一夾就散。
百香果梳打同椰青：大熱天時，呢兩個飲品都夠晒凍，爽。
開心果雞蛋仔：個套餐冇甜品，所以呢個係另外嗌嘅。真係有好多開心果粒喺入邊㗎。雞蛋仔口感香脆。
餐廳室內室外都有位置。室外位置就更加空曠。
餐廳而家做緊優惠，外賣八八折（套餐下午茶除外）。而啤酒仲買二送一添
