Video
Read full review
2021-12-28
637 views
平時好少過嚟東區食嘢，不過聽fd講呢間任食邊爐幾抵食，就同男朋友放工嚟試吓😚空間好闊落，坐得都好舒服～調味料區亦好企理😚我哋今日叫咗美饌B雞煲海鮮放題套餐 (加任食刺身) (星期一至四 $288 + $38)～呢個價錢包咗美國SRF黑毛和牛，仲有個價錢係平少少，牛肉係安格斯肩胛～咁我見價錢唔係爭好遠，就叫和牛啦😆首先會有一客刺身上枱，有三文魚、八爪魚、北寄貝、甜蝦、虎蝦同帆立貝😌刺身都幾新鮮，我尤其最鍾意食虎蝦同帆立貝，膠質超正😚覺得加38蚊都好抵食～一揀好邊個餐，侍應就會問個雞煲要咩辣，今次揀咗小辣😚佢唔係嗰隻好多汁嘅雞煲，佢乾身啲就會食到舊雞面頭好香嘅感覺😆味道都唔會因為少汁而好淡，都好惹味👍🏻雞嘅肉質亦都唔嚡😆食完雞之後，會另外再上湯底比你打邊爐😚所以又可以揀湯底喇！我哋叫咗個鴛鴦湯底，係胡椒豬肚同埋姬松茸湯😌我覺得冬天食呢兩個湯底都好啱🥰好溫暖！海鮮拼盤都好豐富呀😚有蟹、鮑魚、帶子、象拔蚌、墨魚同魚～啲海鮮都幾新鮮，我最鍾意食象拔蚌同帶子，鮮味最出🤤至於配料方面，一睇都知啲和牛好靚啦🥰油脂好香，比例適中，的確比起平價嗰款好食🤤我都encore咗幾次～其他配料我覺得都好正常，至少
我哋今日叫咗美饌B雞煲海鮮放題套餐 (加任食刺身) (星期一至四 $288 + $38)～呢個價錢包咗美國SRF黑毛和牛，仲有個價錢係平少少，牛肉係安格斯肩胛～咁我見價錢唔係爭好遠，就叫和牛啦😆
首先會有一客刺身上枱，有三文魚、八爪魚、北寄貝、甜蝦、虎蝦同帆立貝😌刺身都幾新鮮，我尤其最鍾意食虎蝦同帆立貝，膠質超正😚覺得加38蚊都好抵食～
一揀好邊個餐，侍應就會問個雞煲要咩辣，今次揀咗小辣😚佢唔係嗰隻好多汁嘅雞煲，佢乾身啲就會食到舊雞面頭好香嘅感覺😆味道都唔會因為少汁而好淡，都好惹味👍🏻雞嘅肉質亦都唔嚡😆
食完雞之後，會另外再上湯底比你打邊爐😚所以又可以揀湯底喇！我哋叫咗個鴛鴦湯底，係胡椒豬肚同埋姬松茸湯😌我覺得冬天食呢兩個湯底都好啱🥰好溫暖！
海鮮拼盤都好豐富呀😚有蟹、鮑魚、帶子、象拔蚌、墨魚同魚～啲海鮮都幾新鮮，我最鍾意食象拔蚌同帶子，鮮味最出🤤
至於配料方面，一睇都知啲和牛好靚啦🥰油脂好香，比例適中，的確比起平價嗰款好食🤤我都encore咗幾次～
其他配料我覺得都好正常，至少擺得好企理，份量亦都好足，非常唔錯🤤🤤
嘢飲方面，除咗有啲平時打邊爐成日見嘅罐裝飲品，另外佢哋都有啲自家製作嘅飲品，我飲呢個係爆珠椰果水蜜桃汁，都相當唔錯～甜度適中🥰
最後仲有一人一杯movenpick雪糕，而另外仲有啲甜品係任食～食完真係好圓滿呀😚
Post
