Video
Read full review
2022-08-12
70 views
去開筲箕灣搵朋友傾野之後一齊去食午餐佢話有間餐廳想食好耐，今日終於有機會食啦。呢間餐廳嘅環境非常夢幻童話風，非常適合用黎打卡，我哋叫咗兩個lunch set包括有餐湯，沙律，主菜同飲品。鐵鍋蒲燒鰻魚配珍珠飯估唔到真係成個鐵鍋原個上，鰻魚都有好多件食落去唔會有啲細骨，加埋啲鰻魚汁撈飯非常之開胃。烤牛肩扒香草燒薯仔牛扒有得揀要幾成熟我自己就揀咗七成，切落去肉嘅中間仲帶有粉紅色唔會過熟啱啱好，肉質偏淋軟而且帶有濃郁嘅牛肉味非常好食。Fresh mango passion fruit smoothie 面頭有啲熱情果粒粒籽食落酸酸地，配上超甜嘅芒果沙冰，一酸一甜非常值得一試。Coconut passion shake入面用咗椰汁，雲呢拿，雪糕同埋牛奶mix 成，口感幼滑另外面頭仲有半個熱情果中和一下甜味。呢間餐廳絕對會令人想嚟第二次因為唔單止裝修風格非常適合打卡之餘連食物水準都非常高質！
鐵鍋蒲燒鰻魚配珍珠飯
估唔到真係成個鐵鍋原個上，鰻魚都有好多件食落去唔會有啲細骨，加埋啲鰻魚汁撈飯非常之開胃。
烤牛肩扒香草燒薯仔
牛扒有得揀要幾成熟我自己就揀咗七成，切落去肉嘅中間仲帶有粉紅色唔會過熟啱啱好，肉質偏淋軟而且帶有濃郁嘅牛肉味非常好食。
Fresh mango passion fruit smoothie
面頭有啲熱情果粒粒籽食落酸酸地，配上超甜嘅芒果沙冰，一酸一甜非常值得一試。
Coconut passion shake
入面用咗椰汁，雲呢拿，雪糕同埋牛奶mix 成，口感幼滑另外面頭仲有半個熱情果中和一下甜味。
呢間餐廳絕對會令人想嚟第二次因為唔單止裝修風格非常適合打卡之餘連食物水準都非常高質！
Post
