喜惶點心專門店 (Renamed) View

太痴線呢間野真係！！！首先我同男朋友今日4點正踏入呢間野點左兩份$35有兩個既點心，即係一共4個點心：竹炭流心奶皇包、皮蛋瘦肉粥、山竹牛肉球同蟹肉唔知咩燒賣仲再單點多個叉燒腸同一個白豆漿一個黑芝麻豆漿。落完單好快就上左一黑一白既豆漿，我地兩個飲住等野食，等左20分鐘左右覺得有d耐就叫一個後生仔店員追追d野食，因為真係一樣都冇黎過。個店員追完仲過黎叫我地唔洗擔心，野食一陣就會黎。好，我地再等多20分鐘，即係已經4點踏8，我頂唔順出左櫃枱問另一個店員幫我睇我地d野食係幾點落單，佢睇完電腦竟然話冇落過單！！！！！！！！！！咩都冇！！！！！我完全係著哂火，等左40分鐘，只上左兩支樽裝唔洗沖既豆漿，明明第一次追過d野食個陣個店員仲叫我唔洗擔心！！！好離譜！！！最後咩都冇食就成肚火飽住走。係唔係好抵呢，咩都唔洗食又唔洗錢淨係呆等40分鐘就可以飽，非常之推薦要減肥既人黎食野，呀唔係，係等野食先啱。