拿拿臨同朋友訂咗29號去食 趕上尾班車
唔知幾時會再重開 想再去回味一下
今餐可以以精彩黎形容 好耐無出現過一間中菜令我好滿足
茶燻雛鴿
燻香味重 肉質嫩又唔會乾
旁邊的子薑醃得幾好 唔會太辣
1
蜀香鮑魚拌東風螺
東風螺就鮮味過鮑魚 小小辣幾開胃
西班牙黑毛豬叉燒
最失望係個叉燒 太淋無咬口 但蘿蔔用菊醋醃過幾好食
1
花膠螺頭燉雞
好足料又清甜 夠火候嘅湯 好飲
1
香醉紅蟳
好好食嘅花雕蟹配陳村粉 蟹鮮甜酒味濃郁但唔會太重
陳村粉吸收哂汁嘅精華 每一口鮮味四溢 大滿足👍🏻
椒香焗大虎蝦
椒香味配上大虎蝦嘅鮮味 蝦肉透心啱啱熟火候控制得好
1
隋王斬肉
肉質細嫩但有點似食肥肉嘅感覺
高湯清而不淡 濃郁豐厚雞味
海鹽焗雞
好好食嘅鹽焗雞 雞肉嫩滑入味
配嘅薑蔥蓉打到好順滑 配合埋食更滋味
1
薑米瑤柱櫻花蝦蛋白炒飯
炒飯炒得粒粒分明 夠乾身但啲飯又唔會乾
而且唔會好油 出色又好食 同枱個個飽到癲都清哂
等餐廳開返絕對想為咗個炒飯再去🤤
椰汁棗茸糕
棗茸糕夠煙韌不黏牙 清香紅棗椰汁完美融合
