等你 _ _ (Closed)

等你__等我__定等他？餐廳個名有啲似等一個人的咖啡既感覺，哈哈。餐廳唔算好大，約有10張枱左右，樓面主要有一個職員，雖然好多食物都係即叫即整，但係上菜都算快。門口貼滿餐牌，一目了然，價錢唔算貴。紅豆奶茶+仙草好大杯，重奶味，夠凍，自己可以係餐單上面揀返多冰少冰、甜度等。第一次食飲，所以無點更改，個人覺得偏甜。牛蒡茶天氣凍嘅時候飲好暖身，飲落有紅棗嘅香味。一壺可以飲好耐！炸花枝丸即叫即炸，所以好脆皮、好熱。花枝丸好彈牙，可以食到一粒粒好大嘅魷魚。幾鍾意呢一個炸花枝丸。鹵肉豆腐飯滷肉同埋豆腐都好入味，鹵肉係半肥瘦，一粒粒咁，撈埋啲汁同埋飯食幾好味。豆腐好嫩滑。招寶飯餸好多， 例如有鹵豆腐、大腸、滷蛋、滷水雞翼同埋鹵肉等。呢一個飯仲會包埋鹽酥雞，所以唔需要另外自己再嗌。一碗既招寶飯就可以食晒台灣既特色食物！唔錯既台式餐廳！