Video
Read full review
2021-05-19
987 views
呢間太子嘅等Await Cafe＆Studio無論店名定係環境都好有文青好慢活嘅感覺，店內有好多靚靚蠟燭+乾花💐，仲有個小小嘅打卡area，上網見到呢度甜品都幾高質，不過今次就淨係試咗佢哋嘅lunch set，包餐湯／飲品，special drink就加$20，呢日weekday嚟到都冇乜人，有時間都可以慢慢坐。菠蘿雞扒漢堡配Await辣醬有啲似脆辣雞腿包嘅變奏版，炸雞扒炸得幾好肉質唔會好乾身亦唔嚡，醬汁帶微微辣味好惹味，應該加入咗類似是拉差辣椒醬嘅醬汁（戴頭盔🪖）重點係夾咗塊超級juicy嘅菠蘿，一路咬一路咇啲汁出嚟💦💦，剛好平衡返burger嘅油膩感，幾正。配菜嘅薯條都唔錯好粗身食到薯味。明太子蟹棒海膽意粉份量十足嘅意粉，醬汁好creamy，調味剛好唔會太鹹。美中不足係海膽只有2小塊，撈勻意粉之後就冇乜存在感喇😂Await Signature (Yuzu, espresso, lemon juice)飲開咖啡梗係要試下呢度嘅招牌作，咖啡加上檸檬汁好清新，夏天飲fit晒，不過個人嚟講覺得可以再酸多少少。人均消費：$120推介指數（10分為滿分）：7.5分
菠蘿雞扒漢堡配Await辣醬
有啲似脆辣雞腿包嘅變奏版，炸雞扒炸得幾好肉質唔會好乾身亦唔嚡，醬汁帶微微辣味好惹味，應該加入咗類似是拉差辣椒醬嘅醬汁（戴頭盔🪖）重點係夾咗塊超級juicy嘅菠蘿，一路咬一路咇啲汁出嚟💦💦，剛好平衡返burger嘅油膩感，幾正。配菜嘅薯條都唔錯好粗身食到薯味。
明太子蟹棒海膽意粉
份量十足嘅意粉，醬汁好creamy，調味剛好唔會太鹹。美中不足係海膽只有2小塊，撈勻意粉之後就冇乜存在感喇😂
Await Signature (Yuzu, espresso, lemon juice)
飲開咖啡梗係要試下呢度嘅招牌作，咖啡加上檸檬汁好清新，夏天飲fit晒，不過個人嚟講覺得可以再酸多少少。
人均消費：$120
推介指數（10分為滿分）：7.5分
Post
