燒肉LIKE (新都會廣場)

Open Now

Now Closed

新開燒肉店，趁放假去排隊試下。12:30拎左飛，173號，見仲有百幾張，我2:30再返去等。2:30坐係門口開始等，得兩張枱走左，一直無行開過，仲未到我，中間又會有啲人過左飛又衝返黎，店員又會俾佢地插返隊，安排極差。等到3:30終於入得，點菜，啲餐極快上枱，嘩，啲肉個質素仲衰過佳寶特價肉🧐白飯、泡菜同醬汁都幾好，價錢都好平，但我係黎食燒肉，啲肉咁嘅質素都敢serve客？食咗30分鐘，明明仲有食物，店員係咁想收我啲碗筷，我仲食緊㗎喎….明明我係出門等位果一個鐘都無見啲店員收其他人碗筷，忽然做乜咁趕翻枱？不可一，不可再。