Video
Read full review
2011-03-13
12 views
2:15黎到, 人多到筆墨不能形容, $88 蛋糕放題有幾好食呢?拎飛排隊, 等左2.5 小時, 到4:40pm終於入到去! 每人每次只可以叫兩件蛋糕, 一杯飲品, 食完先可以再order, 限時一小時。好想試日式蕃薯栗子蛋糕, 但係入座後侍應同我地講買晒啦。叫晒全部仲有o既蛋糕, 其中最好食o既係咖啡慕絲蛋糕, 好香咖啡味, 同埋好滑。第二係綠茶慕絲蛋糕, 綠茶味好濃烈, 但係每一層o既質感都唔同。除左呢兩款之外, 其實其他d蛋糕同出面美心買o既差唔多。特濃朱古力蛋糕好似自己o係屋企用cake mix整出黎咁, 好失望。我的朋友黎過一次, 佢話上次無咁多人, 今次真係太多人啦, 等位都等左2.5小時, 只係可以食1小時, 入到去又三種蛋糕都無左朱古力慕絲蛋糕係第三好食, 但係因為多單o既關係, 佢個賣相真係好差。好似比人食左一小角咁, 應該係整出黎o既時候, 除蛋糕側邊o既包裝紙, 唔小心整花咁。仲有綠茶紅豆蛋卷, 好似比人食過咁...味道一般, 可以一試。如果想發洩一下食蛋糕, 或者飲杯咖啡, 都可以黎呢到, 但係不要抱太多期望...因為味道真的一般。再加上排隊2.5小時, 真的不
拎飛排隊, 等左2.5 小時, 到4:40pm終於入到去!
每人每次只可以叫兩件蛋糕, 一杯飲品, 食完先可以再order, 限時一小時。好想試日式蕃薯栗子蛋糕, 但係入座後侍應同我地講買晒啦。
叫晒全部仲有o既蛋糕, 其中最好食o既係咖啡慕絲蛋糕, 好香咖啡味, 同埋好滑。第二係綠茶慕絲蛋糕, 綠茶味好濃烈, 但係每一層o既質感都唔同。
除左呢兩款之外, 其實其他d蛋糕同出面美心買o既差唔多。
特濃朱古力蛋糕好似自己o係屋企用cake mix整出黎咁, 好失望。我的朋友黎過一次, 佢話上次無咁多人, 今次真係太多人啦, 等位都等左2.5小時, 只係可以食1小時, 入到去又三種蛋糕都無左
朱古力慕絲蛋糕係第三好食, 但係因為多單o既關係, 佢個賣相真係好差。
好似比人食左一小角咁, 應該係整出黎o既時候, 除蛋糕側邊o既包裝紙, 唔小心整花咁。
仲有綠茶紅豆蛋卷, 好似比人食過咁...味道一般, 可以一試。
如果想發洩一下食蛋糕, 或者飲杯咖啡, 都可以黎呢到, 但係不要抱太多期望...因為味道真的一般。再加上排隊2.5小時, 真的不太值得。
citibank card有8.5折!咁多人咁忙, d 侍應真係一腳踢
值得一提, 呢位小姐由派飛, 叫號碼, 帶入座, 落單, 上蛋糕, 佢都一個做晒!
等左咁耐, 據我地觀察, 佢真係應該拎勤工獎!
Post
