意粉屋 (Closed)

今日考完試啦，就去"飯堂"獎勵下自己。入到去又坐番上次既海景位，真係好relax。見到個menu都係食番上次既薄牛扒熱鍋飯，呢個應該好正既。忌廉湯好滑，又有雞粒同蘑菇係裡面，好飲。蒜蓉包小小焦焦地，幾好食，牛油味夠濃，好想食多塊。薄牛扒熱鍋飯真係好熱，牛扒又夠大塊。雖然係化學牛，但都唔會無哂牛味，又鬆軟...yummy。個飯又煙韌，好好味。不過我覺得飯既份量小左D，但無所謂啦，食得開心嘛！椰林相思我既favourite，真係好飲。杯野有雪糕、椰漿同花奶。份量配合得好好，有椰漿既清甜，又夾著花奶既滑。個雪糕溝埋落去更顯美味，真係交足功課。一定有下次呀，無敵海景同美食簡直係絕配。