一盒有15件,有啲只有一件,有啲兩件,我覺得最搵笨o既係脆皮腸壽司,咩o野都唔使整,只係烚熟條腸攤涼就放o係壽司飯上面.
而呢個遊戲只有我同男友玩,我食o左右邊三文魚同帆立貝中間o個件唔知咩魚壽司,味道都可以o既.
近乎瘀黑色o既吞拿魚,睇見都唔開胃.
玉子可以.
右上方脆皮腸同生帶子之間唔知咩o野,我覺得一般可以.
鰻魚好難食.
而所有壽司飯都散散地,板前似乎越o黎越退步喎.
睇返menu至知呢個壽司應該有: 大蜆肉,龍蝦,沙丁魚,金月鯛,吞拿魚,金三文魚,帆立貝薯片,日本玉子,原條海鰻同鹿兒島脆皮腸
但男友實際買o既又唔同,帆立貝都冇薯片o係底.
