OKA’S Kitchen

Open Now

Now Closed

大前日（16-8-2025 Sat）傍晚，同老公飲完花斑茶社嘅四重開心果奶綠後，都要食個晚飯至睇戲，食咩呢？由於大家都唔太肚餓，就食啱啱行過，見到嘅飯糰啦。我哋嚟到睇，飯糰每個$12.00，亦有$33.00嘅飯糰套餐，老公話，要一個套餐一齊食就夠，於是坐低揀，我揀配兩粒自家製豬肉丸嗰個，而飯糰我揀紫蘇昆布，老公揀惡魔的飯糰。買完飛，都等咗一段時間至有，睇見飯糰size適中，喺冇留意相對飯糰嘅相，我先食後面深色嘅飯糰，呢個味道幾濃但唔太鹹，面頭嘅飯有少少乾，但整體都濕潤。之後食前面淺色嗰件，味道清淡得多，好重芝麻油味，原來呢個係惡魔的飯糰，呢個口感都一樣。最後食自家製豬肉丸，呢個外面有燒汁，食落口感鬆軟，我好似食到薯仔，成個味道係外濃內清。環境：食用枱都幾闊，但射燈啱啱射到應，覺得熱。