Video
Read full review
2018-04-29
1784 views
明知結果，不試它一回，還是不甘心。明知食完邪惡大餐代價是跑返幾多Ｋ，但因你受罪是多麼滿足。（本著尋根究柢的前記者精神，本篇內容及食材已向店家求證）(詳見後記)這間布萊恩．Ｌ食堂（下稱Ｌ食堂）定位係中下價漢堡店。本身開响觀塘，依家搬咗响長沙灣，新舖開左約１年半。布萊恩是老闆的名字。出名的有兩樣嘢：手打牛肉漢堡和石頭窩飯。牛肉是每天上午即打即日用，全部新鮮製作。當我看到MENU ９號餐，我就知道：係你喇！手打牛肉芝士漢堡＋魚柳包拼紐西蘭芝士薯條（好肚餓系列）($63)L食堂的風格有點似學校，尤其張椅好似學校的椅。入座之後，對面一對中女不停討論戒食、斷食、不要食薯條、怕肥乜乜乜「入得黎食漢堡預咗肥啦。放開啲啦！」我心諗。到我個餐上檯之際，紅色格仔紙上兩個大包連薯條和濃厚的芝士汁。兩位女士更嘩一聲：「呢個咪係大胃王餐囉。」我感受到熾熱的歧視目光。彷彿女生不應咁大食。「正！勉強夠我食嘞！」我講埋出聲。肚餓，食得晒唔浪費，食完運動，唔肥出黎，我睇唔到有咩問題。用料唔可以話特別，麵包用的是4.5吋中包，質感好似超市買得到的漢堡麵包(雖然你唔認)，偏向實淨，面頭有白芝麻牛肉中間保留一絲嫩紅，富有肉汁，
明知食完邪惡大餐代價是跑返幾多Ｋ，但因你受罪是多麼滿足。
（本著尋根究柢的前記者精神，本篇內容及食材已向店家求證）(詳見後記)
這間布萊恩．Ｌ食堂（下稱Ｌ食堂）定位係中下價漢堡店。
本身開响觀塘，依家搬咗响長沙灣，新舖開左約１年半。
布萊恩是老闆的名字。
出名的有兩樣嘢：手打牛肉漢堡和石頭窩飯。
牛肉是每天上午即打即日用，全部新鮮製作。
當我看到MENU ９號餐，我就知道：係你喇！
手打牛肉芝士漢堡＋魚柳包拼紐西蘭芝士薯條（好肚餓系列）($63)
L食堂的風格有點似學校，尤其張椅好似學校的椅。
入座之後，
對面一對中女不停討論戒食、斷食、不要食薯條、怕肥乜乜乜
「入得黎食漢堡預咗肥啦。放開啲啦！」我心諗。
手打牛肉芝士漢堡＋魚柳包拼紐西蘭芝士薯條（好肚餓系列）
$63
32 views
0 likes
0 comments
到我個餐上檯之際，紅色格仔紙上兩個大包連薯條和濃厚的芝士汁。
兩位女士更嘩一聲：「呢個咪係大胃王餐囉。」
我感受到熾熱的歧視目光。
彷彿女生不應咁大食。
「正！勉強夠我食嘞！」我講埋出聲。
肚餓，食得晒唔浪費，食完運動，唔肥出黎，我睇唔到有咩問題。
用料唔可以話特別，
麵包用的是4.5吋中包，
質感好似超市買得到的漢堡麵包(雖然你唔認)，偏向實淨，面頭有白芝麻
牛肉中間保留一絲嫩紅，富有肉汁，
標榜是新鮮牛肉即日手打鮮製，味道的確幾新鮮，肥厚就感略不足。
配上洋葱粒和芝士，都幾香口。
(註：與ｍenu另一款名物--大隻佬漢堡比較，大隻佬用包size較大，入面仲要煙肉等餡料，內容更豐富。)
由學術角度鑑定一下
Burger construction：第一口到最後都吃到所有材料，yes!
Taste balance：漢堡配合醬汁的平衡感做得不錯，yes!
Burger experience： 麵包算香脆，漢堡扒鬆化帶點肉香，ok!
總括而言是：Decent to Exquisite! 5分滿分，有3.5分至４分。
而且店員亦夠細心，遞上包套，
免卻醬爆之狼狽，欣賞！
食完牛肉漢堡，到魚柳包，
吉列魚柳配上生菜絲，
漢堡的口感比較平薄，相對之下沒有牛肉漢堡好吃。
輸蝕位係taste balance。
配上極邪惡芝士醬薯條，用的是紐西蘭Mozzarella cheese
薯條屬粗身，配上香草，炸得剛剛好。
但必須趁熱食，否則有點膩，
同行的男士食剩半個包，
反而我全部食清光。
因為我最憎浪費食物！
作為女生，不止一次被譏笑大食
「沒有大的胃口，點更推介餐廳俾你地呀？」
要吃就做個快樂的吃貨！
佢個午餐附送廚師推介，有時是小食，有時是餐湯，是日是餐湯。
餐湯是泡菜豆腐菜湯。味道正常，豆腐頗滑。
餐仲附有餐飲，亦可加錢要手工咖啡。
手工精品咖啡(跟餐$12熱/$15凍)
店內有賣手工精品咖啡，品牌叫OKLAO，
上網一查，是台灣品牌代理的外國咖啡。
當中又以南美咖啡為主。
這款是哥倫比亞小藍山，產自哥倫比亞南部。
屬於中深烘焙，特色是富有核果味、香草味。
店員細心介紹要點樣飲，
喝上一杯最少要十來分鐘的時間，慢慢加水，讓水滲入紙漏斗，逐滴滴下咖啡來喝。
目睹佢响繁忙的LUNCH TIME咁細心教客人飲咖啡，
感嘆一句：這店真有心！
後記
食完之後我用真身電話聯絡了布萊恩食堂
畢竟是第200篇，還是要再認真一點。
對食材問左問右，店家都不厭其煩答我，
但又有點戰戰兢兢怕暴露商業秘密的樣子。
我都用真身搵你了，我仲驚啦(笑)
始終做人做事要有良心，我只寫事實。
事實，真心係好評！
Other Info. :
戰戰兢兢來到第200篇，友人勸我不要揀間小店黎寫。
「你第200篇寫間咁Cheap既，點攞咩編輯推介呀？」
少年你太年輕了
緣份到了，A+自然會來。
(偽佛系，事實是過去寫了100篇都沒再拿到A+。已經灰了心！）淚奔~
(The above review is the personal opinion of a user which does not represent OpenRice's point of view.)
Post
