登打士廣場10樓既呢間上次已經去過，覺得ok就再黎一次
今次有小小中伏感覺
一入到去發現好大煙味，即刻入都唔想入
上次可能坐房無煙，今次坐出面真係頂唔順
但係好在職員都好好，肯換間房比我地坐，咁就無事
野食黎講算ok，我地今次叫一set 7－8人野食
一班餓狼野食一各黎就食，相都影唔切
叫左幾個飯同意粉，味道唔會太濃或者太淡
係好似太少餸，有時唔可以個個都分得到
不過份量都夠，一set都食到我地飽哂
小食方面都可以，唯獨滷水雞翼既滷水唔夠味，同埋浸得唔夠入味
其他夠如春卷薯蓉都唔錯
飲品推介係 焦糖朱古力，上面有我最中意既cream，味道好好，有焦糖同朱古力both既味道
缺點係如果坐好耐，冰一溶就淡哂唔好飲
呢到其中一個好處就係遊戲多同齊，真係岩哂一大班人開開心心過一晚
