Video
Read full review
2025-07-29
0 views
上次食完個日本A4黑毛和牛火鍋放題，我同老公都有D掛住，所以夾啱日子再去食大餐😍今次嚟多咗好多新嘢呀，佢哋呢期出咗個「炎夏椰樂祭」🥥限時活動，以椰子為主題提供特色餐點，勁啱呢個時節食，所以我叫晒所有主題食物，就連湯底都打孖試晒2隻味：🥥喇沙椰爺仲夏鍋｜香濃惹味但又微微辣嘅喇沙湯底🥥木瓜椰皇嫩雞鍋｜淡淡嘅椰子味木瓜雞湯，好似平時煲湯咁超好飲🙈椰子小食：🥥椰酥跳跳豬｜呢個好攪笑，因為食嘅時候要加埋爆炸糖，五花腩片又烤到脆卜卜，香口又過癮🥥黃金椰絲蝦丸｜得呀呢個，蝦丸好彈牙🥥椰林火山脆薯條｜椰子味比較淡但勝在炸得夠脆特色醬料：🥥香椰火焰醬｜微辣惹味喇沙醬，我超鍾意🥥椰汁美奶滋｜微微椰香沙律醬好開胃甜品：🥥香芋椰漿脆脆｜芋頭好軟糯，凍冰冰加埋脆脆椰子同椰漿，唔會太甜，超好食呀🥥雪糕櫃加咗椰子味movenpick雪糕同Melona雪條，椰子味濃記得要試特調飲品：🍹粉桃椰香/ 冰檸伴椰/ 藍調微風3杯都唔會太甜，椰香滿滿，消暑解渴，冰檸伴椰仲有椰奶蓋，好飲⭐️所有特調飲品跟「日本黑毛和牛A4+」晚市套餐任飲，或每杯售價$58⭐️除咗呢啲，佢哋嘅飽魚任食都係值得再提吓，3款都好好食好淋：👍🏼古法醉鮑魚｜
今次嚟多咗好多新嘢呀，佢哋呢期出咗個「炎夏椰樂祭」🥥限時活動，以椰子為主題提供特色餐點，勁啱呢個時節食，所以我叫晒所有主題食物，就連湯底都打孖試晒2隻味：
🥥喇沙椰爺仲夏鍋｜香濃惹味但又微微辣嘅喇沙湯底
🥥木瓜椰皇嫩雞鍋｜淡淡嘅椰子味木瓜雞湯，好似平時煲湯咁超好飲🙈
椰子小食：
🥥椰酥跳跳豬｜呢個好攪笑，因為食嘅時候要加埋爆炸糖，五花腩片又烤到脆卜卜，香口又過癮
🥥黃金椰絲蝦丸｜得呀呢個，蝦丸好彈牙
🥥椰林火山脆薯條｜椰子味比較淡但勝在炸得夠脆
特色醬料：
🥥香椰火焰醬｜微辣惹味喇沙醬，我超鍾意
🥥椰汁美奶滋｜微微椰香沙律醬好開胃
甜品：
🥥香芋椰漿脆脆｜芋頭好軟糯，凍冰冰加埋脆脆椰子同椰漿，唔會太甜，超好食呀
🥥雪糕櫃加咗椰子味movenpick雪糕同Melona雪條，椰子味濃記得要試
特調飲品：
🍹粉桃椰香/ 冰檸伴椰/ 藍調微風
3杯都唔會太甜，椰香滿滿，消暑解渴，冰檸伴椰仲有椰奶蓋，好飲
⭐️所有特調飲品跟「日本黑毛和牛A4+」晚市套餐任飲，或每杯售價$58⭐️
除咗呢啲，佢哋嘅飽魚任食都係值得再提吓，3款都好好食好淋：
👍🏼古法醉鮑魚｜超香酒味
👍🏼柚子燒汁鮑魚｜甜甜地又炸得好香口
👍🏼炭燒鹽蔥鮑魚｜蔥油咸香脆口
大家一定要試埋「酒糟嫩牛舌」，淡淡酒香，牛舌嫩滑，我都叫咗幾次🙈食到一半，突然有位staff推住車仔走埋嚟，我仲諗明明未夠鐘㗎喎🤔原來係新活動「知識就是折扣」，會有幾個主題揀，再問問題，答啱指定數目就會有禮物或者折扣，我派咗老公出場，喺考天才嘅情況下，最後只係啱得一題，有證書一張🤣
Post
