上野酵素麵包生活館

Open Now

Now Closed

終於的起心肝寫食評買左３款麵包： 黑麻花 －非常好味！個包好軟，表面黑黑的東西（冇研究係咩）好香，涼左食都好好味；ｄ花生碎令個包既香又有口感！同埋，個包叫黑麻花真係改得好好，個包扭得好似藝術品（相影得不太好），好靚，唔知係點整架呢。意式乳酪餅－好好味！我買個陣剛剛出爐，店員推薦我買的。個包軟軟地，有蕃茄味，加上表面有ｄ乳酪碎，令個包有少少酸味，新鮮出爐個一下真係非常好味！有人可能未必鍾意酸既包，不過其實佢只係淡淡既酸味。唯一唔係就係個包薄左少少，唔夠滿足。藍山馬其朵－同樣好味！包身較前面個個包硬，有好香既咖啡味。食到中間有驚喜：有栗子餡！整體黎講，ｄ包都好好味，可惜就太貴，１０幾蚊一個包，有３個包就已經用左＄４０。服務唔錯，店員好積極推薦客人受歡迎既麵包。