,都係去就近果間壽司鋪食野.
上到去個氣氛都唔錯.好快就有張卡位坐,坐低之後諗住同朋友睇下d餐牌有咩食,點知侍應已經拎定份餐牌介紹有d咩特價壽司,朋友們係咁不斷問佢地野,.佢地都冇唔耐煩咁講解比我地聽,呢樣野真係值得一讚
到我地order野食,叫左d特價壽司:::::
特大海鰻,真係成條上.我開頭係以為同平時鰻魚壽司冇咩分別.點知真係比圖片既大10蚊真係好抵食
牡丹蝦,個侍應拎到埋黎既時候同我地講個蝦頭原來可以幫我地炸!!食落真係唔錯而且隻蝦又好鮮甜!!**
皇帝蟹柳,好大絛!!加上本人好中意食蟹柳,覺得好好味.自己食完一客再order多一客黎食,正!!
仲有其他壽司都唔錯!!
朋友叫左個鰻魚炒飯,一拎到出黎已經嗅到好香,急不及待咁不左一碗黎食
,好正好好味,而且幾大碟!同朋友都食到Lum LUM利
到我地賣單果陣,佢地問我地有冇會員CARD,我地問會員CARD有咩用.原來有9折,生日仲有75折.果時同朋友都互望左大家一眼,...因為今日係本人生日.如果有會員CARD就有75折喇!!!!
羽壽司真係值得一試,味道同服務整體都唔錯!!
