Mee...lemongrass (Park Central) (Closed)

上次同朋友食過呢間泰式嘢覺得唔錯，今次再嚟食晚飯~馬來蜜汁炭燒厚切豬扒撈檬~豬扒好厚肉，而且每塊鋪滿蜜糖，厚實嘅肉質吸滿晒甜甜嘅蜜糖，非常juicy~最驚喜係外皮仍然保持香脆~撈檬汁可以自己調校份量，酸酸甜甜感覺格外開胃~牛骨湯河~牛肉份量豐盛，牛肉湯底味濃，配上滑溜溜嘅湯河層次非常豐富~最喜愛牛丸，肉汁多而且夠彈牙~落埋配料味道更加清香~軟殼蟹米紙卷~最喜愛嘅一味菜，煙韌既米紙包住羅伯斯蔬菜同埋鮮甜嘅芒果感覺好清新，配合啱啱炸起嘅軟殼蟹毫無違和感~軟殼蟹炸得十分香脆，好想食多幾隻🤭椰汁千層糕~千層糕夠煙韌，啱啱蒸完熱辣辣上碟椰香味十分重，咬落去則有清甜嘅感覺，甜到啱啱好不會過濃~蘋果茉莉綠茶~淡淡蘋果茉莉香，偏甜，但有少許茶味回甘~雪梨芝芝冰~冰糖雪梨比較甜，揀咗半糖仍然感覺偏甜，不過芝士奶蓋濃厚，飲落質地較滑~俾錢先發現原來小朋友有免費玩具送🤤