去深水埗除左喺西九龍中心入面搵野食之外，好多時我都會行去基隆街食野。蘇媽. 蘇媽相信好多人都聽過(隔離間蕃茄師兄都好好食)，佢次次都好多人排隊，所以我會拎左飛之後行陣再返去就啱啱好啦。
今次我已經第二次去食蘇媽. 蘇媽，上次試左佢啲肉骨茶。但今次晏左去想食既款已經賣曬…. 所以今次就試下佢其他野啦~
[馬來西亞拉茶] 佢同港式奶茶既味道好似，不過我覺得佢滑啲同埋茶味無咁濃。
[招牌砂煲老鼠粉(大)] 呢個係今次第一次試，好好味啊!!! 雖然我係唔鍾意食花生蝦米既人，但呢煲野每樣材料既味道都好平均。同埋佢係原個砂煲上枱，一路食keep住都仲係暖笠笠，食到最後仲有少少好似飯焦(銀針粉焦)。😋
[馬拉沙嗲串燒] 串燒方面，雞牛豬各嗌左一串。肉質無咩特別，不過不失咁，但佢個沙嗲醬就幾正。
[椰香咖央多士] 呢個真係必叫，可以當甜品食xd 佢塊多士好脆，啲咖央醬搽得足夠。推薦👍🏿👍🏿👍🏿👍🏿👍🏿👍🏿
