拉麵台風 (Moved) New Location

係荃灣打波前食個拉麵先，台風門面十分eye catching，以閃電和麵碗作logo，很有心思。牆上壁畫都係以日本風景為題。原來已經4週年了。係吧枱可以見到師傅用心制作食物。大食的朋友注意，呢度正常麵份量已是普通的1.5倍，選麵量時可以唔駛加大。仲有promotion，三碗拉麵收據送半熟蛋1隻。可樂$12骨膠原撈麵$78很特別，而且撈拉麵都係第一次食。根據tips，先食拉麵，不要撈匀，咁先食到麵的原味，麵質很有嚼勁，撈麵已經調過味，味道不錯。然後再試每一款食材，包括碎叉燒、半熟玉子、竹荀、紫菜、魚粉、大葱，材料豐富。撈勻魚粉後，麵的味道更濃郁，基本上唔駛再加蒜蓉和pepper調味，不過嚐蒜的我，再加一點試試看，果然生色不少，oishi！黑色暴雨拉麵$85好有gimmick，湯底顏色就跟名稱一樣，有如黑色暴雨，喝一口湯，湯頭已經用黑椒和蒜調配好，帶著豚骨熬出的甘甜，湯多餘的油脂已勞起，看上去是黑色的清湯，很適合重口味的人。基本拉麵配菜有筍、青蔥、溫泉蛋、豆芽（加$15換辣味豆芽）、3片厚切豚肉，肉質極嫩。用上日本雞蛋做的半熟玉子係好味D。