kikusan (Closed)

已經係第三次食Kikusan啦～好少餐廳可以令我回頭咁多次！今晚我同朋友無唔太肚餓，Kikusan出名嘅小菜就啱啱好，我地差唔多行街行到夜晚8點先上去，星期日都仲需要排隊。叫飛叫到A40，我地係A52，但係其實唔會等好耐因為中間有好多人放棄左，我地等多五六張枱就到嚕！仲要超好彩唔洗坐對住出面等嘅人嘅patpat位哈哈哈！我地安排坐近廚房嘅大枱，其實Kikusan嘅廚房都幾舒服，因為係open kitchen應該比平時廚房舒服冇咁熱。上幾次食左嘅就唔介紹多次啦，包括Kikusan卷、口水雞、雞翼、雞肉串，今次我地都有encore新嘗試嘅有椰菜沙律，因為冇晒青木瓜沙律...我記得個餐牌上好似有蕃薯定薯仔，但係沙律入面佢地係炸左絲，其實淨係食到椰菜...配普通嘅芝麻醬...非常普通。我要青木瓜沙律呀呀呀！另一個新嘗試係甜品！盧打滾有兩款，一款係花生芝麻，一款係綠茶紅豆，花生芝麻香口d所以揀左依個。出乎意料竟然係暖暖的！因為佢稍微煎過下，糯米卷住芝麻花生，碟上面仲有更多比你點黎食。好似仲搽左少少花生醬加重味道。一份都有6塊，如果之前食得飽就比較膩啦。下次再試埋其他菜式！