晚飯時段大慨7點鬆到剛好有位，黎到當然叫海南雞飯但竟然賣晒！好彩店員最後可以出多一份先可以試，另外我地再order 左喇沙同馬拉𦾟通菜，原本想叫芽菜都賣完，所以要試齊下次要早少少去！
講返雞飯真係推介，尤其比較完charter box 我覺得雞算滑，雞湯好濃好好味，個人最鍾意係個酸辣汁，配黑豉油加件雞再加啖油飯一齊食真係無得頂。
喇沙偏辣味重奶味少中規中矩，馬拉𦾟菜係烚菜加醬喺面我就一般。餐廳環境地唔算大但有兩人卡位算舒服，廁所好乾淨！！所以總括而言，呢個質素呢個價錢既雞飯中環區係絶對值得食！！
