鈴木珈啡館 (Closed)

自問對食要求好低，乜都擺得落口，但今日食完個lunch 忍唔住上黎打第一篇食評......下午2點半，同幾個朋友入黎食飯，叫左個 吞拿魚角切藜麥壽司飯套餐，$118 包湯同飯，再加$20 咖啡，再加埋服務費，$150食左唔知咩......吞拿魚佔成碗飯既5分1，藜麥同白飯比例係1:100，白飯好似隔夜咁乾咁硬咁凍。餐湯羅宋湯用咖啡杯裝住，稀、淡。野飲Latte係最正常。最差係服務態度，可以係暑期工未上手，只係餐廳明明只坐滿三分一，員工有7，8個，但依然愛理不理，野飲上錯，比單比錯，未叫完收走餐牌。暑期工可能唔上手，但經理態度都係差。完。