我地揀左呢個$1200 Omakase set : 前菜x1 刺身x5 壽司x5 海膽手卷x1 甜品x1
前菜
今日既前菜係沖繩苦瓜沙律
沖繩既苦瓜特別好味 口感偏爽 味道唔會太苦 加上撈左酸汁做沙律 中和左啲苦味 食落寧舍醒胃
漬物有麵豉蒜頭同鮮淮山
本身我就好中意食蒜 呢個麵豉蒜頭都係第一次食 好香 鮮淮山個感覺就好特別 比較爽口 好refreshing
刺身
第一道刺身係薄切伊佐木 一共5片
魚質偏爽脆 本身魚味較淡 師傳整左個酸汁 加上蔥花一齊食 味道更豐富
之後係2片深海池魚厚切
非常肥美 口感極佳 只需輕酌豉油即可 否則會蓋過魚的鮮味
燒竹筴魚
油脂極重既竹筴魚經炙燒後魚油滿溢 香濃的油香味久久不散 再加上薑，芝麻粒等 味道更特別
鮟鱇魚肝
入口非常軟綿幼滑 味道濃郁 完全沒有腥味 加上一條條新鮮昆布 簡簡單單已吃出鮟鱇魚肝的鮮味了
池魚
師傅先將池魚切成一條條 拌入薑蔥 再用紫菜包成一小塊 一小口的整個吃 不錯哦
壽司5食
北奇貝非常新鮮 鮮甜帶有海水味 值得一提的是 這裡選用的都係赤醋飯 會較濃味
春子
挺厚身的 帶有微微的鮮甜味 肉質軟身 感覺漬新
新鮮鯖魚
較少機會可以食到新鮮鯖魚 味道不會太濃 但有淡淡的清甜魚味
金線鯛
據師傳所講 等如日本紅衫魚 感覺幾特別 魚質較為柔軟 有淡淡的魚香味
炙燒拖羅
油香味極重 但感覺不如刺身般油膩 吃過燒拖羅真的返唔到轉頭呢
赤海膽手卷
赤海膽味道鮮甜 帶點甘香 口感幼滑 師傅非常大方 份量十足 這個手卷真的無懈可擊
魚湯
以為精粹只在刺身壽司？ 魚湯來一個反高潮 這個魚湯用即日新鮮來的魚頭魚骨熬製而成 還加入本菇 新鮮紫菜等配料 鮮甜無比
甜品
最後來一個福崗士多啤梨甜王作結尾 清甜的士多啤梨 好香哦
這餐價錢屬中價 但吃到的是郵師傅的細心和用心和高品質的食物 朋友真係好介紹呢
