Video
Read full review
2009-09-06
26 views
未食夏麵館之前從未睇過有關佢既食評, 一睇先知咁多bad comments, 有少少驚訝 因為今日食完覺得都幾好食wor 星期日去elements行下, 行到餓就四圍睇下有咩食, 入左呢間之前未食過既夏麵館, 叫左 小籠包 : 幾OK, 雖然唔係食過既最好, 但皮都算薄, 湯夠多, 食得幾開心。荵油拌麵 好食, D荵唔知點整整到深啡色, 食落好香, D麵有油香, 仲有幾粒蝦米, 撈埋一齊食好香口, 推介。涼拌粉皮: 正常, 花生醬夠多(因係用左少少), 另外有一小碟紅色唔知係咩黎既野, 極難食。 酸辣海蜤: 唔夠酸, 唔夠辣, 但都問題唔大, 食得落。 菜心獅子頭 : 上到桌先知係 小棠菜黎, anyway啦都好好食, 獅子頭好鬆軟, 汁夠多, 菜好甜, 好食。整體黎講都唔錯, 雖然唔係特別出色,但都覺得幾抵食, 服務唔好唔壞, 唯一
未食夏麵館之前從未睇過有關佢既食評, 一睇先知咁多bad comments,
有少少驚訝 因為今日食完覺得都幾好食wor
星期日去elements行下, 行到餓就四圍睇下有咩食,
入左呢間之前未食過既夏麵館, 叫左
小籠包 : 幾OK, 雖然唔係食過既最好, 但皮都算薄, 湯夠多, 食得幾開心。
荵油拌麵 好食, D荵唔知點整整到深啡色, 食落好香,
D麵有油香, 仲有幾粒蝦米, 撈埋一齊食好香口, 推介。
涼拌粉皮: 正常, 花生醬夠多(因係用左少少),
另外有一小碟紅色唔知係咩黎既野, 極難食。
酸辣海蜤: 唔夠酸, 唔夠辣, 但都問題唔大, 食得落。
菜心獅子頭 : 上到桌先知係 小棠菜黎,
anyway啦都好好食, 獅子頭好鬆軟, 汁夠多, 菜好甜, 好食。
整體黎講都唔錯, 雖然唔係特別出色,但都覺得幾抵食,
服務唔好唔壞, 唯一見到就係鋪仔唔大但人手好多....周圍都係staff,
落order後好快就有野食黎, 唔洗等好好,價錢又唔貴, 有咁既質素都算okay, 所以都會俾笑臉。
Post
