麻辣風雲 (Closed)

上星期食完酸菜魚之後，同事一直問我幾時再去食，發現原來麻辣風雲有午餐比一個人食嘅酸菜魚，仲有螺絲粉，滿足左我同事嘅慾望，又啱晒鍾意試新嘢嘅我，之前對螺絲粉好好奇，成日聽人哋講話臭，一直都未試過，咁就，一於試試佢砂鍋螺絲粉睇落細細地，但食落就知一啲都唔少，無我想像中咁臭，而且個湯仲好鮮甜添，配料有酸竹荀、木耳絲、酸豆角、鹹菜脯、炸枝竹、花生、鵪鶉蛋，我仲追加左炸蛋、腩肉同豬大腸添，炸蛋可以索哂d湯，而且有蛋香，借得一試呀酸菜魚午餐魚肉份量好足，好抵食，魚肉嫩滑，配菜又有，而且酸辣口味仲可以比你選程度，真係好抵食炸饅頭係皇牌必食之選，炸到金黃色，外脆內軟，配上煉奶一流惹味雞軟骨係凍既，麻辣口味好正，仲要軟骨帶住少少雞肉，有兩種口感，食唔停口食辣野點可以唔叫野飲，緊係叫番杯椰汁冰同龍眼冰☺️