九龍城冰室 (Closed)

今日同朋友約咗去九龍城果間藥材鋪裝修嘅咖啡室打卡，飲完咖啡特別快肚餓，行行下見到間九龍城冰室就入去食個下午茶。

係門口見到有好多老闆同明星嘅合照，睇黎間嘢好似都幾有名堂下。

入面裝修都幾懷舊下，墻身有雜誌寫嘅報道。

睇個MENU都幾多野食下，仲有蝦多士，西多士就食得多啦，蝦多士又真係無食過。

上到黎都幾大份，外表炸到酥脆，中間夾了滿滿的蝦膠，配上千島醬，真係幾好食架。

同埋薑汁奶茶都幾好飲下架，奶味濃郁，有茶香，仲有姜嘅辛香味。

環境舒適，上菜都幾快，兩個人都比我地坐卡位，坐得好舒服。

去九龍城唔一定只可以食泰國菜，都可以去下這間懷舊冰室歎一個舒適嘅下午茶。