巴巴串 (Closed)

今晚同女女來到❤️ 巴巴串， 佢第一次食串燒放題， 對於串燒自己轉，非常新奇。😍串燒機自己燒👍👍多啲時間食嘢，又唔怕燒燶。呢間好抵，真係觀塘必去餐廳，無限時串燒任飲任食😍 環境夠闊落，坐卡位食得超舒服。🤗🥤飲品選擇多，自助區又有前菜，炸物，熟食任食。😋🔥串燒都好多選擇，有牛肋條，叉燒，雞肉，燒賣，棉花糖，菠蘿，午餐肉，仲有沙白同 多春魚等。餐廳做緊週年慶抽獎活動🎊🎉，每枱都有一次免費抽獎，之後都可以$20抽一次。女女幫手抽，抽到新鮮白鱔兩串，真係叻，媽媽最鍾意食😋打卡like 社交平台仲有扇貝或蒜蓉焗蠔送😍。最後當然食甜品啦，有啫喱杯，芒果布甸，豆腐花，雪糕雪條，超豐富，女女話要再來。