神戶屋日韓放題

Open Now

Now Closed

同一大班朋友食飯去食放題就最過癮啦！今次係第一次食神户屋，整體都幾好，野食種類比起同價錢嘅放題黎講多，食物質素都幾好。我地簡左壽喜燒，湯底好甜，d菜同菇都好甜好入味，好食！跟住就緊係唔少得刺身，除左必身嘅生文魚同蝦，仲簡左海膽同生蠔。刺身幾新鮮，而身塊塊都算厚，蝦就最爽口最鮮甜。海膽份量算多，但就唔算好鮮甜。至於壽司，今次試左一系列嘅黑松露壽司，都幾有驚喜。黑松露嘅香味加上三文魚同蝦嘅鮮甜真係唔錯！中意黑松露嘅朋友可以一試！炙燒三文魚壽司都唔錯，三文魚好肥美。至於小食方面，炸蝦天婦羅都唔錯，炸粉唔算厚，入面嘅蝦都爽口。雜菇表現就一般，味道較淡，唔太惹味。燒菠蘿都ok, 雖然比較酸，但係解膩就一流。燒牛舌就比較硬身，唔算多肉汁，同埋係一碟仔咁上唔係一串串上。整體黎講都唔錯，可以再戰！