由於從未試過招牌古法拿破崙，諗住襯weekday過嚟SPK食lunch時想買一件，但1點半左右已好多人排隊買，有啲人誇張到一口氣買4至6件，未排到自己已經賣哂，估唔到平日lunch hour都買唔到。
店舖職員話可以預訂，於是俾咗29蚊預留咗1件響2023年12月24日下午2點取貨。
今日取貨嗰陣唔洗等，俾飛仔已即時取貨，拎完就行咗附近企埋一邊響條街食，拿破崙食落係好鬆脆，每層都有適量忌廉，對我嚟講有少少甜，但未算過甜，合桃粒份量較少，無想像中好食，可能本身社交平台過份吹捧，令人有太大期望，但食落其實好一般，唔會難食，又唔係十分好味，試一次夠了。
